کفایت اللہ سنابلی اپنی تحقیق کے آئینے میں – قسط ۲۴

کفایت اللہ سنابلی کی کتاب پڑھ کر احسا ہوتا ہے ایک شخص اپنا الو سیدھا کرنے کے لے کس حد تک جا سکھتا ہے۔ چناچہ یزید کے دفاع میں لکھی گئی کتاب میں ایک جگہ یوں لکھتا ہے : 
۲ – امام ابن کثیر نے بغیر کسی حوالے اور بغیر کسی سند کے سعید بن عثمان کو بھی بیعت یزید کے مخالفین میں پیش کیا ہے چناچہ لکھتے ہیں : 

یزید کو ولی عہد بنانے کی بنا پر سعید بن عثما نے معاویہ کی سرزنش کی اور ان سے مطالبہ کیا کہ وہ یزید کی جگہ انھیں ولی عہد بنادین اور اس موقع پر سعید بن عثمان نے امیر معاویہ سے جو کچھ کہا تھا اس میں یہ بھی کہا تھا کہ میرے والد برار آپ کی دیکھ بھال کرتے رہے یہاں تک کہ آپ مجد و شرف کے اس مقام پر پہنچے لیکن آپ نے مجھ پر اپنے بیٹے کو فوقیت دی جبکہ میں اس ماں ، باپ ، اور ذات کے لضاظ سے افضل ہوں [ البدایۃ و النھایۃ ۸/۸۰ ]
عرض ہے کہ یہ روایت بھی ناقابل قبول ہے کیونکہ امام ابن کثیر نے بغیر کسی حوالہ اور بغیر کسی سند کی اسے ذکر کیا ہے ۔ 

حوالہ : یزید بن معاویہ پر الزامات کا تحقیقی جائزہ // صفحہ ۳۱۲ // طبع ممبئ 

آگے اسی ابن کثیر سے بے سند بات نقل کرکے استدلال بھی کر رہا ہے : 
اسلے ابن کثیر نے [ بلا سند ] لکھا ہے : 

عبداللہ بن عمر و اھل بیت کی جماعتوں نے یزید کی بیعت نہیں توڑی اور یزید کی بیعت کرنے کے بعد کسی اور کی بیعت بالکل نہیں کی [ البدایۃ و النھایۃ ۸ //۲۳۲ ]

حوالہ : یزید بن معاویہ پر الزامات کا تحقیقی جائزہ // صفحہ ۳۴۳ // طبع ممبئ 

حد تو تب ہوگئی جب انہوں نے اسی طرح ایک بے سند حوالہ کو کتاب میں شامل کیا اور بعد میں اس سے ممکنہ استدلال بھی کیا۔ چناچہ وہ یوں لکھتے ہے : 

چناچہ ابو محمد عفیف الدین عبداللہ بن سعد الیافعی نے کہا : 
حسین کا سر لانے والے کی بات سن کر عبیداللہ بن زیاد غضبناک ہوگیا اور کہا کہ جب تجھے حسین کے مقام و مرتبے کا پتا تھا اس کے باوجود بھی تو نے انھیں کیوں قتل کیا ، اللہ کی قسم ! تو مجھ ست خیر کی امید مت رکھ ! میں تو تجھے بھی موت کے گھاٹ اتار دوں گا ، اس کے بعد عبیداللہ بن زیاد نے اسے آگے بڑھایا اور اس کی گردن مار دی اور یہ بھی بیان کیا گیا ہے کہ قاتل حسین کو یزید ہی نے قتل کیا  [ مراۃ الجنان و عبرۃ الیقظان – ۱/۱۰۸ – اسکی سند مجھے نہیں ملی ] 

عرض ہے ممکن ہے بعض قاتلین کو عبیداللہ بن زیاد نے فی الفوز قتل کردیا ہو اور بعد میں جو لوگ گرفتار ہوئے ، انھیں بھی یزید کے حکم سے قتل کردیا گیا ۔۔۔ لیکن ھمیں ان روایات کی سند نہیں مل سکھی 

حوالہ : یزید بن معاویہ پر الزامات کا تحقیقی جائزہ // صفحہ ۳۷۱ // طبع ممبئ 

مجھے تعجب ہوتا ہے کہ ایک پڑھنے والا کیا کریں گا ۔۔۔ ھمارے ایک دوست نے اس کتاب کے بارے میں شچ ہی کہا تھا ” پڑھتا جا اور شرماتا جا ” 

تحریر : ڈاکٹر آصف حسین ۶ ستمبر ۲۰۱۷ء 

• Posted in: معاویہ ♦ کفایت اللہ سنابلی ♦ امام حسین علیہ السلام ♦ سلفی ♦ شیعہ ♦ ضعیف